Härvinâš mut koddee bakteernjuámmum leevvân tääl Japanist ulâttâsliävttoin.
Koččâmuš lii A-juávhu streptokokbakteerist, mii toovvât jiegâvarâlii šokkisyndroom. Majemui luuvij iivij streptokoknjuámumij meeri Japanist lii pissoom koskâmiärálávt 100 já 200 kooskâst. Tijmá njuámumeh lijjii kuittâg 894, já tääl algâivveest njuámumeh láá rekinistum jo 517. Spiekâstuvlâš njuámumijn lii tot, et toi jamâlâšvuotâ lii 30 prosentid.
Jaapaan virgeomâhááh avžuutteh ulmuid huolâttiđ kietâhygieniast. Ton lasseen sij aneh tehálâžžân tom, et turisteh tietih tiileest. Njuhčâmáánu loopâst Tave-Korea macâttij jyelgipálluspeelâ Japanáin njuámumij tiet.
Äššitobdeeh iä tieđe, et mii lii suijân njuámumij lassaanmân. Oovtâ arvâlus mield koronavirusnjuámumeh láá hiäjusmittám ulmui immuniteet. Ton lasseen koronaviruspandemia áigásij raijiittâsâi meddâlistem lii vaiguttâm njuámumij leevvânmân.
Käldee:
– Deadly infection spreads across Japan (www.travelweekly-asia.com)
Kove: Pierre Blaché from Pixabay