Oummu rââst raaj – People Cross the Borders ‑haahâ lii almostittám uđđâ Jåå’ttemneävv-nommâsii kirje (an. Fiävruh), mii máttát párnáid fiävruid nuorttâlâškielân.
Kirje oovdânpuáhtá jieškote-uvlágánijd fiävruid, tego savehijd, kárbá, moottorpyerá já ráiđuváávnu. Fiävrui kuuvij já nuorttâlâškielâg noomâi lasseen kirje siskeeld kukkâsijd já tiivtâid fiävruin.
Kirje lii čáállám Kimberli Mäkäräinen. Suu lasseen pargojuávkun láá kuullâm Lempi Lehtinen, Markus Juutinen já Taarna Valtonen.
Kirjeest láá finnimnáál muáddi pitá nuuvtá Aanaar váldukirjeráájust, Ruávinjaargâ váldukirjeráájust já Oulu kuávdáškirjeráájust. Tom puáhtá meid luoihâttiđ täin kirjeráájuin teikâ tiiláđ mon peri Laapi kirjeráájun tâi mon peri Oulu kaavpugkirjeráájun. Ton lasseen kirje puáhtá luođiđ šleđgâversion ovdâmerkkân Aanaar kieldâ siijđoin já Internet Archive ‑siijđoin.
Oummu rââst raaj – People Cross the Borders lii Aanaar kieldâ já Taažâ Maadâ-Vaarjâg kieldâ ohtâsâš haahâ. Tom ruttâd Euroop union Interreg Aurora ‑ohjelm.
Käldeeh:
– Jååʹttemneävv (www.inari.fi)
– Jååʹttemneävv-lastenkirjaa saa kirjastosta (www.ouka.fi)
Kove: Valtteri Valkeapolku