Interreg Aurora ‑proojeekt uárnee puohháid ávus tilálâšvuođâ Sajosist Solju-salist 5.6.2026 tijme 9.00–17.00. Proojeekt ulmen lii rähtiđ nettipiergâsijd já jieškote-uvlágánijd materiaalijd anarâškielâ já ummeesämikielâ oppâmân. Puáhtá puáttiđ pääihi oolâ Sajosân teikâ puáhtá meiddei uásálistiđ káidusin Zoom peht. Zoom-liŋkkâ almottuvvoo maŋeláá. Seminaar ääigi savâstâlloo projektist, ton uulmijn já uđđâ nettipiergâsijn. Ton lasseen syergi äššitobdeeh tuálih sahâvuáruid kielâ iäláskitmist já kielâteknologiast almolii tääsist.
Tilálâšvuotâ lii uáivildum puohháid, kiäh láá perustum anarâškielâst, ummeesämikielâst, kielâteknologiast, kielâ iäláskitmist já sämikielâ máttááttâsâst. Ton ääigi puáhtá savâstâllâđ tast, magareh piergâseh já materiaaleh tarbâšuvvojeh puoh enâmustáá eidu tääl. Kielâsiärvádâh piäsá vala vaikuttiđ mottoom verd nettipiergâsij siskáldâsân já olgoháámán, já proojeekt pargojuávkku kulâččij mielâstis kielâsárnoi jurduid já kommentijd. Tilálâšvuođâ kiellân lii eŋgâlâskielâ, mut uásálisteeh uážžuh kevttiđ meiddei anarâškielâ já suomâkielâ.
Tärhibeh tiäđuh tilálâšvuođâst almostittojeh maŋeláá. Tilálâšvuotâ lii nuuvtá, ige toos taarbâš almottâttâđ muuneeld. Anarâškielâ servi fáálá käähvi / teejâ já njälmipitá.
Interreg Aurora ‑proojeekt válduruttâdeijee lii Euroop union. Eres ruttâdeijeeh láá Laapi litto Suomâ peln sehe Västerbotten já Norrbotten läänih Ruotâ peln.
Artikkâlkove: Fabrizio Brecciaroli