Neelji astronaut juávkku nummeer 11 Aalmugijkoskâsii komovuotâsajattuvâst ISS:st lii siäivum torvolávt Enâmân. Sij maccii mottoom oho tolebiššáá ko algâalgâlávt lâi vuávájum oovtâ astronaut tiervâsvuotâčuolmâ keežild. Puáccám astronaut tile lii lamaš ubâ ääigi stääđis. Sii päikkimätki toledui, tastko ISS:st iä lamaš tuárvi tutkâmpiergâseh toos, moin naalijn suu vääivi ličij puáhtám tutkâđ já tipšođ. Olgoskulij ij lah muštâlum eenâb tast, kotemuu astronautist lii saahâ, ige tastkin, maggaar vääivist sun killáá. Tommittáá lii kuittâg muštâlum, et väivi lohtâs tiäduttesvuođâ tiileest oromân.
Astronautjuávkku luovânij mannjeed majebargâeehid Suomâ ääigi komovuotâsajattuvâst. Sij seivuu meerân tijme 10.41 Suomâ ääigi.
Taat lii vuosmuš tohe ISS 25 ive historjást ko astronautjuávkku macâttuvvoo tolebiššáá Enâmân tiervâsvuotâčuolmâi keežild.
Käldeeh:
– NASA’s SpaceX Crew-11 Re-Entry and Splashdown (www.youtube.com)
– NASA’s SpaceX Crew-11 Undocking (www.youtube.com)
Kove: NASA (Wikimedia Commons)