Microsoft almottij kuovâmáánu majemuu peeivi, ete tot looppât Skype-palvâlusâs. Skype jaska toimâmist vyesimáánu 5. peeivi.
Ruátálâš Niklas Zennström já tanskalâš Janus Friis vuáđudáin Skype Eestienâmist ive 2003. Eestieennâmlijn ohjelmovdedeijein lâi tehálâš rooli palvâlus ovdánmist. Ovtâstumstaatâlâš ohjelmfinnodâh Microsoft oostij Skype ive 2011.
Talle ko Skype almostui, tot toovâi suáituid olgoenâmáid ennuv älkkeebin. Palvâlus lii faallâm ulmuid nuuvtá suáituid tiäturij kooskâst sehe hälbis suáituid sraŋgâ- já mätkipuhelimáid. Jienâsuáitui lasseen Skype peht láá lamaš máhđuliih meid videosuáituh já viestâi vuolgâttem.
Microsoft ávžoo Skype kevtteid sirdâšuđ finnoduv Teams-palvâlusân. Palvâlus kevttim lii nuuvtá, já toos puáhtá čáládâttâđ siisâ Skype-tubdâlduvváin.
Käldeeh:
– Skype lakkaa toimimasta toukokuussa (www.hs.fi)
– The next chapter: Moving from Skype to Microsoft Teams (www.microsoft.com)
Kove: Skype (Wikimedia Commons)