Sämikielâi káidusmáttááttâsân iivij 2024–2025 láá almottâttâm ohtsis 205 uápped. Kulmâ sämikielâ láá máttááttum pirrâ Suomâ jo ive 2018 rääjist. Čohčuv kuuđâd luuhâmive älgidijn káidusmáttááttâs uáppeemeeri lii stuárráb ko kuássin ovdil. Puáttee luuhâmive fáárun láá puátimin meid uđđâ kieldah já škoovlah.
Káidusmáttááttâs joođeet Ucjuuvâ kieldâ já koordinist Sämitigge. Káidusmáttááttâsâst máttááttuvvojeh tave-, anarâš- já nuorttâlâškielâ tiättur peht. Máttáátteijee já uáppeeh iä lah siämmáá saajeest. Máttááttâs lii tievâsmittee máttááttâs, mii meerhâš tom, ete máttááttâs tábáhtuvá táválii škovlâpeeivi ulguubeln.
Anarâš aavis lii sahhiittâllâm sämikielâi káidusmáttááttâs piiloothaavâ koordinaattor Anne Olli. Sun illood uáppei stuorrâ meereest já tuáivu, ete haahâ šodâččij pisovâžžân.
”Uáppei meeri lii lasanâm ihásávt, mii muštâl tast, et tággáár máttááttâsân lii stuorrâ tárbu. Mij tuáivup, ete puátteevuođâst ain maŋgâsist ličij máhđulâšvuotâ máttááttâllâđ suuvâs kielâ. Vâi taat tuoivâ olášuuččij, ličij tehálâš uážžuđ haavâ pisovâžžân. Ive 2026 maŋa máttááttâs jotkum lii epivises.”
Káidusmáttááttâsâst puáhtá luuhâđ eenâb haavâ nettisijđoin.
Kove: Fabrizio Brecciaroli