Anarâškielâ servi almoot uuccâmnáál 1–2 kesitoimâtteijee saje. Pargon lii uđđâsij já eres čallui čäällim Anarâš aavisân. Uđđâseh kieđâvušeh puohlágánijd teemaid. Aavis uđđâseh juáhhojeh tagaráid kategoriaid ko Aalmugijkoskâsiih uđđâseh, Ekonomia, Kielâ, Kulttuur, Páiháliih uđđâseh, Politiik, Suomâ, Tieđâ, Ulmuuh já Valastâllâm. Uđđâsij čäällim lasseen pargokován kuleh meiddei sahhiittâlmeh sehe blogičalluuh. Anarâš aavisist láá nelji blogi: Aanaar argâ -blogi, Kielâblogi, Kođđeemblogi já Luándublogi.
Tun puávtáh iävtuttiđ, kuás halijdiččih porgâđ kesi-syeinimáánust. Pargoäigi lii 100 tijmed, já pargoääigist suáppoo tärhibeht njunoštoimâtteijein. Tehálumos äšši lii, et jyehi ookon šaddeh tuárvi uđđâseh. Pälkki lii 1 500 €. Occein váttoo šiev čäällimmáttu.
Jis kesitoimâtteijee pargo kiäsut tuu, te vuolgât jieijâd CV já jieijâd čäällim uđâsteevstâ teikâ mottoom eres teevstâ anarâškielân (250–300 säännid) seervi mediapargei čujottâsân fabrizio.brecciaroli@gmail.com majemustáá 20.4.
Kove: Markus Winkler (Pixabay)