Urho Kekkosii aalmuglâšmeecist láá evakuistum 21 olmožid čuávjitaavdâ keežild

Laapi pyereestvaijeemkuávlu Lapha tieđeet, et Urho Kekkosii aalmuglâšmeecist láá evakuistum ohtsis 21 olmožid oho siste. Taah ulmuuh láá puohah fattiidâttâm čuávjitaavdân vajâldemmohhees ääigi.

Tääl čuávjitavdâ oro monâmin lappâd, já koskoho, njuhčâmáánu 6. peeivi, maŋa ohtâgin olmooš ij lah innig evakuistum aalmuglâšmeecist. Teestâin lii čielgâm, et čuávjitaavdâ suijân lii lamaš norovirus.

Majemuš kuávlust evakuistum käävci ulmuu juávkku lii puohtum meddâl iđedispeeivi 6.3., já sij láá jottáám kuávluin Kiilopää, Suomunruoktu, Tuiskunkuru já Luirojävri. Lapha almottâsâst tiäduttuvvoo, et aalmuglâšmeecist lii 12.3. räi tárbu velttiđ eidu tai kuávlui vuoiŋâstemsoojijd, hiivsigijd já láávuid. Tánávt iästoo njuámumij levânem aaseest. Šiev kietâhygieniast huolâttem lii eromâš tehelâš.

Laapi pyereestvaijeemkuávlu infektiopajetuáhtár Markku Broas lii avžum, et jis kiinii lii lamaš tohâmušâin čuávjitaavdân puáccám ulmuin majemui kuulmâ pirrâmpeeivi ääigi teikâ jis alnees láá váhágin čuávjitaavdâ meerhah, te sun rävvee leđe vyelgihánnáá vaajâldmân.

Käldeeh:

– Urho Kekkosen kansallispuiston vatsatautitartunnat norovirusta – tilanne näyttää rauhoittuneen (lapha.fi)

– Pelastuslaitos evakuoinut yhteensä 21 Urho Kekkosen kansallispuistosta vatsatautiepidemian vuoksi (lapha.fi)

Kove: Imartin6 (Wikimedia Commons)

Kommenteh

Čääli komment

Kirjoita kommenttisi!
Kirjoita nimesi tähän

Luuvâ meid

Uđđâsumos uđđâseh

Hundârušmeh purrâmušveerhij pyehtimist Suomân

Uuđâs, et Lidl ij innig pyevti heđâlmijd já ruonnâsijd kirdemrahtin lii sehe pyeri já hyenes äšši. Lii pyeri, ete purrâmušveerhij CO2-luástuh kiäppáneh, mutâ hyenes...

Uđđâ kirječällee anarâškielân

Saijoos šiljoost skirviittâleh ulmuuh kirkis piäiváduvvâst. Lii koskokko, cuáŋuimáánu 3. peivi, já Aanaar keessilis kirjerááju siste kullojeh ilolâš povvâstem, uccâumogáá iloliih jienah já olmoošjuávhu...

Áimutiettuu lágádâs: Suomâ puttásumos áimu kávnoo-uv Pallasist

Sveiccilâš IQAir-irâttâs raapoort tieđettij moonnâm ohhoost, et maailm puttásumos áimu kavnuuččij Suáđigilist, Ucjuuvâst já Kuáccámist. Tast muštâlii eres lasseen Helsingin Sanomat sehe meid Anarâš...

Kanada áigu faallâđ nuuvtá estim nisonáid

Kanada haldâttâs áigu faallâđ nuuvtá äpittesvuođâ estim eennâm puoh suhâjuátkimahasáid nisonáid. Ääšist muštâlij Kanada išeuáiviminister Chrystia Freeland. Estimpillerij hadde lii Kanadast suullân 205 eurod ivveest....

Aleksi Virolainen lii vuosmuš syemmilâš, kote lii vuáittám maailm tehálumos Counter-Strike 2 -turnam

Syemmilâš Aleksi "Aleksib" Virolaisii juávkku Natus Vincere vuoitij Counter-Strike 2 -speelâ Major-turnaamist Kööbenhamânist maŋŋeed pasepeeivi ehidist njuhčâmáánu 31. peeivi. Major lii speelâ tehálumos já...