Uŋgar president lii vuáláčáállám Ruotâ NATO-jeessânvuođâ ucâmuš

Uŋgar uđđâ president Tamas Sulyok čaalij majebaargâ vuálá Ruotâ NATO-jeessânvuođâ ucâmuš ratifisistem, tieđettij presidentkanslia majebaargâ. Sulyok čaalij ucâmuš vuálá jieijâs vuossâmuu pargopeeivi.

Uŋgar lii majemuš NATO-eennâm, mon tuhhiittem vuordij vala Ruotâ tievâjeessânvuođâ. Uŋgar parlament ratifisistij jeessânucâmuš moonnâm oho vuossaargâ.

Ratifisistemäššikirje kalga vala fyysisávt vuorkkiđ Ovtâstum staatâi olgoministeriön, mon maŋa njunoščällee Jens Stoltenberg puáhtá koččođ Ruotâ servâđ NATO jesânin.

Ton maŋa ko Ruotâ lii dinnim povdim já vuáláčallum servâmäššikirje, te ton maŋa toh toimâttuvvojeh meid Washingtonân.

Ruotâ almosradio SVT mield Ruotâ olgominister Tobias Billström tuálvu äššikiirjijd Washingtonân, já ton maŋa Ruotâ jeessânvuotâ puátá vuáimán. Taat tábáhtuvá máhđulávt jo aldemui peeivij.

Ruotâ lii NATOST jo taan ohhoost, eeđâi SVT Bryssel reivâlonotteijee Ulrika Bergsten.

Käldee:

– Unkarin tuore presidentti allekirjoitti Ruotsin Nato-ratifioinnin (www.hs.fi)

Kove: Kontár Csaba Attila (Wikimedia Commons)

Kommenteh

Čääli komment

Kirjoita kommenttisi!
Kirjoita nimesi tähän

Luuvâ meid

Uđđâsumos uđđâseh

Hundârušmeh purrâmušveerhij pyehtimist Suomân

Uuđâs, et Lidl ij innig pyevti heđâlmijd já ruonnâsijd kirdemrahtin lii sehe pyeri já hyenes äšši. Lii pyeri, ete purrâmušveerhij CO2-luástuh kiäppáneh, mutâ hyenes...

Uđđâ kirječällee anarâškielân

Saijoos šiljoost skirviittâleh ulmuuh kirkis piäiváduvvâst. Lii koskokko, cuáŋuimáánu 3. peivi, já Aanaar keessilis kirjerááju siste kullojeh ilolâš povvâstem, uccâumogáá iloliih jienah já olmoošjuávhu...

Áimutiettuu lágádâs: Suomâ puttásumos áimu kávnoo-uv Pallasist

Sveiccilâš IQAir-irâttâs raapoort tieđettij moonnâm ohhoost, et maailm puttásumos áimu kavnuuččij Suáđigilist, Ucjuuvâst já Kuáccámist. Tast muštâlii eres lasseen Helsingin Sanomat sehe meid Anarâš...

Kanada áigu faallâđ nuuvtá estim nisonáid

Kanada haldâttâs áigu faallâđ nuuvtá äpittesvuođâ estim eennâm puoh suhâjuátkimahasáid nisonáid. Ääšist muštâlij Kanada išeuáiviminister Chrystia Freeland. Estimpillerij hadde lii Kanadast suullân 205 eurod ivveest....

Aleksi Virolainen lii vuosmuš syemmilâš, kote lii vuáittám maailm tehálumos Counter-Strike 2 -turnam

Syemmilâš Aleksi "Aleksib" Virolaisii juávkku Natus Vincere vuoitij Counter-Strike 2 -speelâ Major-turnaamist Kööbenhamânist maŋŋeed pasepeeivi ehidist njuhčâmáánu 31. peeivi. Major lii speelâ tehálumos já...