Aanaar kieldâ muštâl tiäđáttâsâstis, et Avveel vuojâdemrido oornigisttolâmij ääigi riddoost láá kavnum mottoom verd nááluh. Toh láá nurrum meddâl, já riddo tärhistuvvoo jyehi argâpeeivi ton keežild, et lase nááluh máhđulávt kávnojeh. Nááluh vuájuh kuittâg älkkeht čunnui, já tondiet toh kávnojeh váddásávt. Tondiet ij pyevti leđe vises tast, et puoh nááluh láá kavnum. Riddo lii kukke já čunnui luávdim kuávlu viijđes, já nááluh láá kavnum sierâ soojijn riddoost. Oornigisttoollâm kärttee pargoniävuid já vuovijd, moigijn náálui saje puávtáččij kavnuđ pehtilubbooht já jotelubbooht.
Avžuuttuvvoo-uv, et Avveel vuojâdemriddoost jotteeh liččii eromâš várugááh rido kevtidijnis. Ton lasseen huámášittoo, et kevtteeh tuálvuččii ruskijdis roskelittijd, vâi riddo piso torvolâžžân já čurgâdin.
Aanaar kieldâ lii almottâm náálui kavnuumist poolisân.
Käldee:
– Ivalon uimarannalta löydetty neuloja – rannan käyttäjiä kehotetaan erityiseen varovaisuuteen (www.inari.fi)
Kove: Fabrizio Brecciaroli