Pasepeeivi 2.4.2023 tuállojii ovdâskoddevaaljah, main jienâvuoigâdvuođâliih Suomâ aalmugjesâneh väljejii 200 aalmugovdâsteijed neelji ive valjâpajan.
Aalmuglâš Kokoomus lii finnim 20,8 % jienâin (+3,8 %) já 48 ovdâsteijed (+10). Tot meerhâš tom, et piäláduv saavâjođetteijee Petteri Orpo šadda uđđâ uáiviministerin. Vuáđusyemmiliih-piäládâh lii finnim 20,1 % jienâin (+2,6 %) já 46 ovdâsteijed (+7). Kuálmádin lii puáttám Suomâ sosialdemokraatlâš piäládâh, mii lii finnim 19,9 % jienâin (+2,2 %) já 43 ovdâsteijed (+3).
Laapi valjâpirrâduvâst ovdâskoodán láá peessâm čuávuvááh ovdâsteijeeh:
– Sara Seppänen (Vuáđusyemmiliih): 11 145 jiennâd
– Katri Kulmuni (Suomâ Kuávdášpiäládâh): 8 396 jiennâd
– Johanna Ojala-Niemelä (Suomâ sosialdemokraatlâš piäládâh): 7 107 jiennâd
– Kaisa Juuso (Vuáđusyemmiliih): 6 072 jiennâd
– Heikki Autto (Aalmuglâš Kokoomus): 7 185 jiennâd
– Markus Lohi (Suomâ Kuávdášpiäládâh): 4 634 jiennâd
Laapi ässeelovo kiäppánem tiet Laapi valjâpirrâduvâst láá tääl tuše kuttâ ovdâsteijee. Nelji ive tassaaš vist ovdâsteijeeh lijjii čiččâmâs.
Käldee:
– Eduskuntavaalit 2023 (www.hs.fi)
Kove: Marja Mäkelä (Pixabay)