Ovdâskoddevaaljâi munejienâstemäigi lii álgám

24.3.2023 tme 1.16

Ovdâskoddevaaljâi munejienâstem lii álgám. Jienâstemäigi lii 22.–28.3.2023. Aanaar kieldâst puáhtá jienâstiđ muuneeld kirjeráájuin já jottee jienâstemautost. Olgoenâmijn munejienâstem toimâttuvvoo 22.–25.3.2023. Ovdâskoddevaaljâpeivi lii 2.4.2023. Jienâvuoigâdvuođâlâš ovdâskoddevaaljâin lii aassâmpääihist peerusthánnáá Suomâ jyehi aalmugjeessân, kote majemustáá vaaljâpeeivi tiävdá 18 ihheed. Vaaljâpeeivi jienâvuoigâdvuođâlâš uážžu jienâstiđ tuše ton jienâstemsaajeest, mii lii merkkejum jienâvuoigâdvuotâregisterân já jienâsteijei vuolgâttum almottâskoortân. Jienâstemsajeh láá ávus tijme 9–20.

Munejienâstem
Jienâvuoigâdvuođâlâš puáhtá vaaljâpeeivi jienâstem sajan jienâstiđ muuneeld mon peri almos munejienâstemsaajeest päikkienâmist tâi olgoenâmijn.

Jienâvuoigâdvuotâregister já almottâskorttâ
Digi- já aalmugtiätuvirgádâh ráhtá jienâvuoigâdvuođâlijn jienâvuoigâdvuotâregister, já juáhážân, kote lii valdum registerân já kiän čujottâs lii tiäđust, vuolgâttuvvoo almottâs jienâvuoigâdvuođâst (almottâskorttâ), mast muštâluvvoo, ete kost já kuás puáhtá jienâstiđ. Jienâvuoigâdvuotâregisterân kyeskee vuoigimvátámâšâid kalga toohâđ Digi- já aalmugtiätuvirgádâhân majemustáá 16. peeivi ovdil vaaljâpeeivi.

Persovnvuođâ kalga tuođâštiđ koválijn persovntuođâštussáin
Jienâstemsajan kalga väldiđ fáárun persovntuođâštus, mii puáhtá leđe vyeijimkorttâ, passâ tâi sullâsâš koválâš äššikirje. Jis tust ij lah tággáár äššikirje, te tun puávtáh finniđ aldemuu poolislájádâsâst nuuvtá koskâpuddâsii, jienâstem várás uáivildum persovnkoortâ. Jis jienâvuoigâdvuođâlâš lii váldám anon Suomi.fi Viestit-palvâlus, te jienâvuoigâdvuotâalmottâs vuolgâttuvvoo tuše šleđgâlávt.

Munejienâstem 22.–28.3.2023

Jienâstemsajeh já äigitavlu:

Aanaar kieldâ váldukirjerááju, Piiskuntie 4, Avveel
ko–vá 22.–24.3. tijme 9–18
lá–pa 25.–26.3. tijme 10–16
vu–ma 27.–28.3. tijme 9–18

Aanaar sämikirjerááju / Sajos, Menesjärventie 2A, Aanaar
ko–tu 22.–23.3. tijme 12–17
vá 24.3. tijme 12–16
vu–ma 27.–28.3. tijme 12–19

Meiddei jottee jienâstemautost puáhtá jienâstiđ. Jottee jienâstemauto (kirjerájuauto) orostuvah já äigitavlu:

KOSKOKKO 22.3. – Lismá, Lemmee já Kaamâs
Lismá
tijme 9.00–10.00
Lismantie 2046, Lismá

Lemmee / Ahkun tupa
tijme 11.00–13.00
Lemmenjoentie 1030, Lemmee

Menišjävri, Korpikartano
tijme 13.30–15.00
Meneskartanontie 71, Menišjävri

Kaamâs / Kievar
tijme 16.00–18.00
Kaamasentie 2855 Kaamâs

TUORÂSTÂH 24.3. – Njiävđám já Čevetjävri
Njiävđám kävppi
tijme 10.00–13.00
Sevettijärventie 12200 Njiävđám

Čevetjäävri škovlâ
tijme 13.30–15.00
Sevettijärventie 9076, Čevetjävri

Supru
tijme 15.30–16.00
Sevettijärventie, Supru

Päärtih, Jounila
tijme 16.30–17.30
Käyräniementie 11, Päärtih

VÁSTUPPEIVI 25.3. – Rivdul já Aŋŋel
Keisiluohtâ
tijme 10.45–11.45
Keisilahdentie 131, Rivdul

Seittimukka
tijme 12.00–13.15
Kettujoki

Terstontie luoddâratkuuttâh
tijme 13.30–14.30
Angelintie

Aŋŋel
tijme 16.00–18.00
Angelintie 6090, Aŋŋel

VUOSSARGÂ 27.3. – Njellim já Suáluičielgi
Njellim meccihooteel
tijme 10.00–12.00
Nellimintie 4230, Njellim

Siula šiljo
tijme 14.00–20.00
Kelotie 2, Suáluičielgi

Päikkijienâstem
Jienâvuoigâdvuođâlâš olmooš, kiän naavcah lihâdiđ tâi toimâđ láá tommit rájášum, ete sun ij merettes vaigâdvuođâittáá peesâ almos munejienâstem ige valjâpeeivi jienâstemsajan, uážžu jienâstiđ muuneeld päihistis ton kieldâst, mon jienâstemkuávlu jienâvuoigâdvuotâregisterân sun lii merkkejum.

Päikkijienâstmân vuoigâdvuođâlijn siämmáá tálutuálust ässee omâhâštipšoo puáhtá jienâstiđ päikkijienâstem ohtâvuođâst. Päikkijienâstem toimâttuvvoo munejienâstemääigi. Päikkijienâstmân vuoigâdvuođâlâš kalga almottiđ halustis jienâstiđ muuneeld jieijâs pääihist majemustáá majebaargâ 21.3.2023 tme 16.00 räi Aanaar kieldâ kuávdášvaljâlävdikoodán kirjálávt, šleđgâpostáin vaalit@inari.fi tâi puhelimist 040 7230697/Anne-Marie Kalla. Almottâs puáhtá jienâsteijee saajeest toohâđ suu valjim olmooš. Aanaar kieldâ kuávdášvaljâlävdikode čujottâs lii Piiskuntie 2, 99800 AVVEEL.

Luámáttuvah kirjálii almottâs várás láá finniimist Aanaar kieldâtáálu ravvimpalvâlusâst virgeääigi sehe kieldâ päikkisiijđoin www.inari.fi

Lájádâsjienâstem
Munejienâstem uárnejuvvoo meid lájádâsâin, tego pyecceiviäsuin, puárásijviäsuin já faŋgâlijn sehe suátiviehâsoojijn. Lájádâsjienâstmist pyehtih jienâstiđ tuše lájádâsâin tipšoost leijee teikâ tohon valdum ulmuuh. Aanaar kieldâst munejienâstem toimâttuvvoo tiervâsvuotâkuávdáá seŋgâuásáduvâst, palvâlempäikki Männikköst, palvâlemkuávdáš Koivikkost, Attendo Aurora tipšopääihist sehe Avveel suátiviehâsaajeest sierâ sooppum ääigi.

Vaaljâpalvâlemnummeer jienâsteijeid: 0800 9 4770 WhatsApp-viestâpalvâlus: 050 438 8730
Aanaar kieldâ vaaljâorniistâlmijn tun puávtáh koijâdiđ: vaalit@inari.fi tâi viestâdem- já ohtsâštoimâhovdâ Anne-Marie Kalla, p. 040 723 0697

Käldee:

– Ovdâskoddevaaljah 2023 Aanaar kieldâst (www.inari.fi)

Kove: mohamed_hassan (Pixabay)

Oovdeb artikkâl

VR junájasko lii nuuhâm

Čuávuvâš artikkâl

Anarâškielâ servi toolâi ihečuákkim koskoho

Čääli komment Peruuta vastaus

Čääli komment.

Čääli noomâd teehin.

Tun lah adelâm kiälbuttes šleđgâpostâčujottâs.

Čääli šleđgâpostâčujottâsâd teehin.

Ovdâskoddevaaljâi munejienâstemäigi lii álgám

Kommenteh

Čääli komment Peruuta vastaus

Luuvâ meid

Uđđâsumos uđđâseh

Tiäđualmostittem staatâpalhâšumeh 2026 láá juohhum – Finnejeijen eereeb iärrás syemmiliih wikipedisteh sehe Sämmilij tuotâvuotâ- já sovâdâttâmkomissio komissaareh

Saara Keskitalo lii kaččâm Suomâ ulâttâs huáppueestâkaččâmist

Armand Duplantis táppái vuosmuu tove kuulmâ ihán

NASA lii almottâm Artemis III ‑mánudâšmääđhi astronautijd

Ruátálâš Boliden lii meridâm lopâttiđ Kevitsa ruuvki Suáđikylást