Nuorâi SM-čuoigâmkištoh lijjii Valkeakoskist 10.–12.3.2023. Inarin yritys nelji nuorâ almaa uásálistii lávurduv 10 kilomeetter ärbivuáválii čuoigâmân já pasepeeivi 10 kilomeetter rijjâčuoigâmân.
Lávurduv Eelis Valikainen čuoigâi M23-juávhust vuossâmužžân já puovtij návt vuosmuu kollemiitaal Anarân 1990-lovo maŋa. Matias Riipi lâi M20-juávhust 24:d., Turo Tervo M17-juávhust 25:d já Piäkká Tervaniemi 30:d. Pasepeeivi Eelis lâi kuálmád, Matias 12:d, Turo 20:d já Piäkká 26:d.
Puáttee ive nuorâi SM-kištoh tuállojeh Lieksast já Espoost. Rävisulmui taan ive SM-čuoigâmkištoh láá Anarist 31.3.–2.4.2023.
Käldee:
– Hiihtoliitto, tulokset – Inarin yritys (tulokset.hiihtoliitto.fi)
Kove: Henna Tervaniemi
Kove: Jens Zieschank (Pixabay)