Njuhčâmáánu 13. peeivi láá kuullâm love ihheed tast, ko argentiinalâš kardinaal Jorge Bergoglio algâttij paavi Franciscusin roomalâškatolilii kirho njunošin. Franciscusist šoodâi vuosmuš ij-eurooplâš paavi paijeel tuhháát ihán.
Paavi viirgánlavkkim lâi eromâš ton suujâst, et sust ij šoddâm paavi ovdii paavi jäämmim maŋa pic toin naalijn, et oovdiš paavi Benedictus XVI almottij kuovâmáánust 2013, et sun kuáđá virgees tiervâsvuotâsuujâi keežild. Franciscusist šoodâi vuosmuš paavi paijeel 600 ihán toin naalijn, et oovdiš paavi lâi ain elimin.
Paavi Benedictus eelij virgees kyeđđim maŋa vala love ihheed. Sun jaamij tijmá, ive majemuu peeivi.
Käldee:
– Franciscus on ollut paavi tasan kymmenen vuotta (www.hs.fi)
Kove: Annett_Klingner (Pixabay)