Moonnâm ive jyehi vuáđuškovlâlâš finnij oppâmateriaalijd koskâmiärálávt 145 euroin. Meeri lii kyehti euro eenâb ko ive 2023. Iäruh kieldâi kooskâst láá stuárráh. Ääšist muštâl Suomâ Kuástidemservi, mii lii syemmilij kirjekuástideijei ohtsâšpargo‑ já hiäđukocceemservi.
Taan ohtâvuođâst oppâmateriaaláid kuleh teddilum já digitaalliih oppâkirjeh. Tagareh škovlâtävireh ko vihkoh, peenah já tiätureh iä kuulâ oppâmateriaalij juávkun.
Love stuárráámuu kaavpugist Vantaa, Espoo, Oulu já Tampere lijjii koskâáárvu paajaabeln. Vuoluubeln vist lijjii Helsig, Kuopio, Lahti, Pori já Jyväskylä. Turku keevtij eidu 145 eurod sehe ive 2023 já 2024.
Säämist ruttâ kiävttoo oppâmateriaaláid eenâb ko koskâáárvu verd. Ive 2024 oovtâ uáppee budjet lâi Anarist 325 eurod, Iänuduvvâst 290 eurod, Ucjuuvâst 255 eurod já Suáđigilist 172 eurod. Anarist já Suáđigilist ruttâmeeri lasanij ivveest 2023. Iänuduvvâst já Ucjuuvâst tot vist kiäppánij.
Käldeeh:
– Kunnat käyttävät rahaa oppikirjoihin hyvin eri tavoin – Vantaa kärjessä, Helsinki alle keskiarvon (yle.fi)
– Kuntien panostus oppimateriaaliin vaihtelee (kustantajat.fi)
Kove: Kotivalo (Wikimedia Commons)