Restonom (AMK) já journalism uáppee (YAMK) Linnea Rasmus algâttij Yle Säämi uđđâ hovdân já västideijee toimâtteijen 1.5.2025. Ovdil tom sun lâi toimâm västideijee toimâtteijee sajasâžžân. Sun lâi lamaš uđâs- já viermipyevtitteijen sehe toimâtteijen.
Návt 38-ihásâš Rasmus kommentistij uđđâ pargoos cuáŋuimáánu loopâst:
”Lii kunnee stivriiškyettiđ toimâttâs, mast lii kuhes historjá já merhâšittee roolâ sämmilij jiennân. Mist lii stuorrâ ovdâsvástádâs ovdediđ sämikielâlii almos media palvâlusâid já faallâđ sämmiláid merhâšittee siskáldâs uđđâsijn kidâ párnáiohjelmáid. Mun oskom, ete räijejum-uv resursijguin mij pyehtip rähtiđ immâšijd.”
Yle Säämi oovdiš hovdâ Maiju Saijets lâi almottâm kuovâmáánu aalgâst, ete ij juáđhi innig pargostis cuáŋuimáánust ovdâskulij. Ive 2017 toimâttâs hovdân algâttâm Saijets lâi lamaš uáppurijjâvuođâst moonnâm ive vyesimáánu rääjist já halijdij juátkiđ náguskirjepargoos. Sun totká paijeel 65-ihásij sämikielâlij ulmui mediakevttim.
Yle Säämi toimâttâsâst pargeh 17 olmožid. Toimâttâs pyevtit uđđâsijd já eres siskáldâs viermist, radiost já televisiost Suomâ puoh kuulmâ sämikielân.
Käldeeh:
– Yle Saamelle etsitään uutta päällikköä – Maiju Saijets on irtisanoutunut (yle.fi)
– Yle Sápmin uudeksi päälliköksi ja vastaavaksi toimittajaksi on valittu Linnea Rasmus (yle.fi)
Kove: Saku Heinänen (Wikimedia Commons)