Interreg Aurora ‑proojeekt uárnee puohháid ávus tilálâšvuođâ Sajosist Solju-salist 5.6.2026. Seminaar ulmen lii oovdânpyehtiđ tom, maht proojeekt ovdán. Seminaar ohjelm siskeeld kulmâ uási. Iđedist savâstâlloo kielâteknologiast. Purâdempuudâ maŋa vist fáddán láá sämikielah, vistig anarâškielâ já talle ummeesämikielâ já pittáámsämikielâ. Taa lii ubâ ohjelm:
- 9.00: Käähvipuddâ
- 9.30: Sahâvuáruh – Uási 1: Kielâteknologia
- Pauli Rämö: Laiđiittâs já tiervâttâssaahâ (20 min)
- Pauli Rämö: Uđđâ nettipiergâseh anarâškielâ já ummeesämikielâ oppâmân (40 min) + koččâmušah (10 min)
- Trond Trosterud: Kielâteknologia (40 min) + koččâmušah (10 min)
- 11.30: Purâdempuddâ
- 13.00: Sahâvuáruh – Uási 2: Anarâškielâ
- Marja-Liisa Olthuis: Anarâškielâ iäláskittem (35 min) + koččâmušah (10 min)
- Fabrizio Brecciaroli: Anarâškielâ sujâttemparadigmah (35 min) + koččâmušah (10 min)
- 14.30: Käähvipuddâ
- 14.45: Sahâvuáruh – Uási 3: Ummeesämikielâ já pittáámsämikielâ
- Michael Grahn: Ummeesämikielâ sänikirje (30 min) + koččâmušah (10 min)
- Fabrizio Brecciaroli: Ummeesämikielâ sujâttemparadigmah (15 min) + koččâmušah (10 min)
- Peter Steggo: Pittáámsämikielâ iäláskittem (30 min) + koččâmušah (10 min)
- 16.30: Käähvipuddâ já savâstâllâm.
Tilálâšvuotâ lii uáivildum puohháid, kiäh láá perustum anarâškielâst, ummeesämikielâst, kielâteknologiast, kielâ iäláskitmist já sämikielâ máttááttâsâst. Ton ääigi puáhtá savâstâllâđ tast, magareh piergâseh já materiaaleh tarbâšuvvojeh puoh enâmustáá eidu tääl. Kielâsiärvádâh piäsá vala vaikuttiđ mottoom verd nettipiergâsij siskáldâsân já olgoháámán, já proojeekt pargojuávkku kulâččij mielâstis kielâsárnoi jurduid já kommentijd. Tilálâšvuođâ kiellân lii eŋgâlâskielâ, mut uásálisteeh uážžuh kevttiđ meiddei anarâškielâ já suomâkielâ.
Seminaarân puáhtá uásálistiđ meid uánihub ääigi, ađai tommittáá ko alnestis lii asto. Toos puáhtá uásálistiđ meid káidusin Zoom peht. Zoom-liŋkkâ lii https://us06web.zoom.us/j/81784130723.
Tilálâšvuotâ lii nuuvtá, ige toos taarbâš almottâttâđ muuneeld. Anarâškielâ servi fáálá käähvi/teejâ já njälmipitá. Tiervâpuáttim fáárun!
Interreg Aurora ‑proojeekt válduruttâdeijee lii Euroop union. Eres ruttâdeijeeh láá Laapi litto Suomâ peln sehe Västerbotten já Norrbotten läänih Ruotâ peln.
Artikkâlkove: Fabrizio Brecciaroli