Säämi-miäštárkištoh (SM) čuákkejii Säämi čyeigeid Anarân 18.–19.4.2026. Moonnâm keerdi SM-kištoh láá uárnejum Anarist ive 2022. Talle toh lijjii meid raađhâkištoh Arctic Winter Games ‑kištoid (AWG), moh vist láá algâaalmugij tälvikištoh. Toh tuállojeh táválávt Kanadast, Ovtâstittum staatâin Alaskast teikkâ Ruánááenâmist. Tai enâmij lasseen uásálisteeh puátih meid Säämist, já Säämist lii-uv lamaš taggaar naver, ete mottoom kooskâst AWG‑kištoh liččii meid Säämist, ovdâmerkkân Taažâst.
Aanaar SM‑kištoid 2026 pottii uásálisteeh Anára Sámisearvi ry:st, Johtti Sápmeláččat ry:st já Kalkujärven siita ry:st Suomâ peln sehe Deanu Searat ‑seervist, Sirma IL ‑seervist já Guovdageainnu IL ‑seervist Taažâ peln. Uárnejeijen tooimâi Anára Sámisearvi.
Lávurduv kištottâllui puásuitáiđučuoigâmist. Ton juurdâ lii siämmáámuđusâš ko pääččimčuoigâmist, mut pääččim sajan čuoigâmân lii ovtâstittum njuárustem. Vistig kištottelleeh čyeigih 750 – 3 000 meetter kukkosii rađe, talle sij njuárusteh saveheh juolgijn 5–13 meetter määđhi, jeđe loopâst sij čyeigih oppeet 750 – 1 500 meetterid. Jis čyeigee feilee njuárustmist adai ij teeivâ poccuu čorvijd, te jo‑uv sun kalga čuoigâđ sákkumohe teikkâ sun finnee sákkumiinut. Anarist kiävtust lijjii sákkuminutteh.
Nuorâbeh uásálisteeh njuárusteh tuše ohtii já čyeigih kuohtii, ko vuod puárásub párnááh sehe rävisulmuuh njuárusteh kuohtii já čyeigih kulmii. Čuoigâm ääigi suoppâin kalga leđe ubâ paje čyeigee fáárust já muččâdávt seelgist. Ärbivuáválávt taat čuoigâm lii čuoigum ärbivuáválijn stijláin, mut motomin, tego tääl Anarist, čuoigâm koolgâi mutteđ rijjâ stiijlân tondiet ko saaveehlättee rähtim times muottui lâi hástulâš.
Pasepeeivi vuárust lijjii tuše čuoigâmmääđhih rijjâ stijláin. Määđhih lijjii siämmááh ko lávurduv. Čyeigei meeri kiäppánij mottoom verd pasepiäiván. Mudoi-uv uásálisteemeeri lâi ucceeb ko táválávt. Taažâst já Ruotâst lijjii meid maaŋgah kištoh eidu taan oholoopâ. Máhđulávt tot-uv vaiguttij uásálisteemiärán, ete taan ive SM-kištoh iä lamaš raađhâkištoh AWG:n. Čuávuvááh AWG‑kištoh láá ive 2029, adai raađhâkištoh toos láá kiđđuv 2028.
Kištopuátuseh lávurduv:
- 9-ihásiih päärnih (1,5 km čuoigâm; 5 m njuárustem)
- Niillas Mihkkal Idivuoma (Guovdageainnu IL) aigijn 19.19
- 10-ihásiih nieidah (1,5 km; 5 m)
- Anne Karen Magga (Kalkujärven siita ry) aigijn 14.37
- 10-ihásiih päärnih (1,5 km; 5 m)
- Máhtte Áilu Utsi (Deanu Searat) aigijn 10.45
- Matias Näkkäläjärvi (Johtti Sápmelaččat) aigijn 12.07
- Gabriel Kalliainen Solbakk (Deanu Searat) aigijn 12.18
- Áigin Partapuoli Matell (Deanu Searat) aigijn 13.38
- Biete Fjellgren (Deanu searat) aigijn 13.48
- 11-ihásiih päärnih (1,5 km; 6 m)
- Per Andreas Emanuelsen (Deanu Searat) aigijn 13.21
- Lásse Nihkolas Idivuoma (Guovdageainnu IL) aigijn 13.36
- Máhtte Niillas Utsi (Deanu Searat) aigijn 14.10
- Marenius Laitinen Broch (Deanu Searat) aigijn 16.31
- Per Jovsset Magga (Kalkujärven siita ry) aigijn 18.24
- 12-ihásiih päärnih (3 km; 6 m)
- Hilje Fjellgren (Deanu Searat) aigijn 28.49
- 13-ihásiih nieidah (3 km; 7 m)
- Mervi Tervaniemi (Anára Sámisearvi) aigijn 28.03
- Maire Tervaniemi (Anára Sámisearvi) aigijn 32.46
- 14-ihásiih nieidah (3 km; 7 m)
- Ida Olsen Kjerstad (Sirma IL) aigijn 23.30
- 14-ihásiih päärnih (3 km; 7 m)
- Nils-Matti Paltto (Anára Sámisearvi) aigijn 18.22
- 15-ihásiih päärnih (4,5 km; 9 m)
- Nils-Piera Ruotsala (Anára Sámisearvi) aigijn 23.26
- Áinel Heiberg (Deanu Searat) aigijn 28.53
- 16-ihásiih nieidah (4,5 km; 9 m)
- Elen Kristine Emanuelsen (Deanu Searat) aigijn 38.32
- 35–49-ihásiih nisoneh (4,5 km; 9 m)
- Jane Helppi (Anára Sámisearvi) aigijn 40.57
- 19+-ihásiih almaah (9 km; 13 m)
- Juhán Niillas Wigelius (Deanu Searat) aigijn 40.24
- Piäkká Tervaniemi (Anára Sámisearvi) aigijn 47.39
- Áike Niillas Selfors (Deanu Searat) aigijn 49.18
- Ole-Juhan Kemi (Anára Sámisearvi) aigijn 1.02.57
- Nikolai Magga (Anára Sámisearvi) aigijn 1.07.29
- 50–59-ihásiih almaah (7,5 km; 11 m)
- Marko Tervaniemi (Anára Sámisearvi) aigijn 1.08.18
Kištopuátuseh pasepeeivi:
- Vuálá 8-ihásiih (750 meetter čuoigâm)
- Vassi Tervaniemi (Anára Sámisearvi) aigijn 7.45
- 9-ihásiih päärnih (1,5 km)
- Niillas Mihkkal Idivuoma (Guovdageainnu IL) aigijn 12.48
- 10-ihásiih nieidah (1,5 km)
- Jaana Sujala (Anára Sámisearvi) aigijn 6.27
- 10-ihásiih päärnih (1,5 km)
- Niila Aikio (Anára Sámisearvi) aigijn 5.26
- Gabriel Kalliainen Solbakk (Deanu Searat) aigijn 6.18
- Biete Fjellgren (Deanu Searat) aigijn 6.26
- Máhtte Áilu Utsi (Deanu Searat) aigijn 6.55
- Áigin Partapuoli Matell (Deanu Searat) aigijn 7.45
- 11-ihásiih nieidah (1,5 km)
- Malla Salmi (Anára Sámisearvi) aigijn 5.45
- 11-ihásiih päärnih (1,5 km)
- Per Andreas Emanuelsen (Deanu Searat) aigijn 6.23
- Marenius Laitinen Broch (Deanu Searat) aigijn 7.07
- Lásse Nihkolas Idivuoma (Guovdageainnu IL) aigijn 7.15
- Máhtte Niillas Utsi (Deanu Searat) aigijn 7.21
- 12-ihásiih nieidah (3 km)
- Mervi Tervaniemi (Anára Sámisearvi) aigijn 15.12
- Maire Tervaniemi (Anára Sámisearvi) aigijn 16.21
- 14-ihásiih nieidah (4,5 km)
- Ida Olsen Kjerstad (Sirma IL) aigijn 16.35
- 14-ihásiih päärnih
- Nils-Matti Paltto (Anára Sámisearvi) aigijn 16.44
- 15-ihásiih päärnih (4,5 km)
- Nils-Piera Ruotsala (Anára Sámisearvi) aigijn 14.19
- 17–18-ihásiih almaah (9 km)
- Roope Äärelä (Anára Sámisearvi) aigijn 25.10
- 35–49-ihásiih nisoneh (4,5 km)
- Jane Helppi (Anára Sámisearvi) aigijn 24.52
- 19–34-ihásiih almaah (9 km)
- Piäkká Tervaniemi (Anára Sámisearvi) aigijn 24.19
- Ole-Juhan Kemi (Anára Sámisearvi) aigijn 35.23
- 35–49-ihásiih almaah (7,5 km)
- Per Josef Idivuoma (Guovdageainnu IL) aigijn 39.48
Artikkâlkove: Henna Tervaniemi