Ive 2024 Euroop union merâhamâneh kieđâvuššii 3,4 miljard tonnid raahti. Loho lii suullân siämmáš ko ive 2023. Majemui love ive alemus meeri lii 3,6 miljard tonnid ive 2019.
Puoh enâmustáá raahti, 397 miljovn tonnid, kieđâvušâi Rotterdam haammân Vuáládâhenâmijn. Čuávuvâžžân poođij Antwerpen–Zeebrugge haammân Belgiast (244 miljovn tonnid).
Love stuárráámuu haammân juávhust nelji haammân kieđâvuššii ive 2024 eenâb raahti ko ive 2023. Puoh enâmustáá raahti meeri lasanij Valencia (+3,6 %) já Algeciras (+2,6 %) hamânijn Espanjast. Nube tááhust Constanța haammân Romaniast (-14,3 %) já Gdańsk haammân Puolast (-11,0 %) almottii stuárráámuu kiäppánmist.
Euroop union válduhamâneh kieđâvuššii puoh enâmustáá energiapuovtâdâsâid. Keđgičiiđâ já ruškisčiiđâ sehe algâoljo já eennâmkaasu uási olesraahtist lâi 19 prosentid. Nubben pottii nälistittum energiapuovtâdâsah (16,5 %). Ruukipuovtâdâsâi uási lâi 7,4 %. Kemikaalij, kumi, lastik já váimuspuáldimamnâsij uási lâi 7,2 %. Eennâmtuálu, miäcástem, kuálástem já meccituálu puovtâdâsah västidii 6,3 prooseent uásist. Purrâmušâi, juhâmušâi já tubbáák uási vist lâi 4,9 %. Suulân kuálmádâs olesraahtist lijjii eres puovtâdâsah.
Käldee:
– EU ports handled 3.4 bn tonnes of freight in 2024 (ec.europa.eu)
Kove: Niels Johannes (Wikimedia Commons)