Anarâškielân lii almostum uđđâ nuorâiroomaan. Taat kirje lii ruotâsämmilii Ann-Helén Laestadius roomaan Tiervuođah Sopperost. Tom lii anarâškielân jurgâlâm Tuula Ylänne. Kirje lii algâalgâlávt čallum ruotâkielân. Pyerrin peellin taan kirjeest lii tot, et kirječällee lii sämmilâš já kirje puáhtá maaŋgânáál uáinusân sämikulttuur. Tiervuođah Sopperost lii lamaš maŋgii Ruotâ enâmustáá vuobdum nuorâikirje, majemuu tove ive 2017.
Tiervuođah Sopperost lii Ann-Helen Laestadius vuossâmužžân almostum kirje. Tot lii jiečânâs vuossâmuš uási Soppero-rááiđust. Neeljiuáság nuorâiroomaanráiđu muštâl lieggâ vuovvijn Tukholma kuávlust ässee Agnesist – nieidâst, kote vuálgá ruokkâdávt jotteeđ jieijâs pálgá mield. Anarâškielân lii jo ovdil almostum rááiđu nubbe kirje Hei fávru.
Taan kirjeest Agnes máttááttâl sämikielâ syele. Suu elimist šadda vala jiäráskitteb, ko sun vuolgâttâlškuát viestâid kandáin, kote áásá tavveen Sopperost. Mutâ koččâmušah láá valjeest. Mon sämmilâš Agnes riävtui lii? Nabai maid usteveh uáivikaavpugkuávlust arvâleh suu valjiimijn?
Ann-Hélen Laestadius romaneh láá lamaš hirmâd pivnoheh Ruotâst jo maaŋgâid iivijd. Ive 2016 čällee uážui August-palhâšume, mii lii puoh tehálumos kirjálâšvuotâpalhâšume Ruotâst.
Kirje puáhtá tiiláđ seervi mediapargest (fabrizio.brecciaroli@gmail.com). Tom puáhtá meiddei uástiđ Duodji Shopist Sajosist.
Kove: Marja-Liisa Olthuis