Vuáđulahâváljukode almos kuullâm sämitiggelahâiävtuttâsâst uárnejui tuorâstuv 17.10. ovdâskode Uccâparlament auditoriost. Sämitige ovdâsteijen tilálâšvuotân uásálistii saavâjođetteijee Pirita Näkkäläjärvi, vuossâmuš värisaavâjođetteijee Leo Aikio, nubbe värisaavâjođetteijee Tuomas Aslak Juuso já lahâčällee Kalle Varis.
Suomâ Sämitigge tuárju uáiviminister Petteri Orpo haldâttâs iävtuttâs sämitiggelaavâst.
Näkkäläjärvi mielâst laahâ tuurvâst sämikielâi já -kulttuur sirdem puáttee suhâpuolváid, mii lii puoh tehálumos äšši tondiet ko Suomâst sarnum kulmâ sämikielâ já sämikulttuur láá rigesvuođah.
Sämitige vuossâmuš värisaavâjođetteijee Leo Aikio lii ton uáivilist, ete uđđâ laahâ miäruštâl čielgâsubbooht njuolgâdusâid. Tot lii tiäđust-uv uáli jo pyeri äšši sämikuávlu eellimvyeimi já irâttâstooimâ tááhust.
Sämitige nubbe värisaavâjođetteijee Tuomas Aslak Juuso vist tiäduttij sahâvuárustis aalmugijkoskâsijd kenigâsvuođâid olmoošvuoigâdvuođâi háárán sehe sämmilij jiešhaldâšemvuogâdvuođâ. Suu mielâst lahâiävtuttâs lii pyeri kompromis.
Lahâiävtuttâs lii puohtum ovdâskoodán oovtâmielâlávt, já Sämitige olesčuákkim lii tuárjum tom jienâiguin 15–3 (1 kuárus).
Käldee:
Kove: Ville Fofonoff / Sämitigge