Njiävđám siijdâ lii kuáhtám stuorrâ soro, ko Nord1 Market ‑kävppi puolij eennâm táásán moonnâm lávvárduv. Päikkikode ulmuid taat lii lamaš stuorrâ šokki. Piäluštemlágádâs finnij tiäđu pyellee käävpist lávvárdâheehid tijme 19.25. Časkâdemtooimah pištii pasepeiviiđeed räi.
Pääihi oolâ vuolgâttuvvojii vittâ ohtâduv Laapi piäluštâslágádâsâst já kyehti Taažâ Kirkkonjaargâst.
Rakânâs káttu lâi ollásávt pyelimin talle ko piäluštâslágádâs juovdâi pääihi oolâ. Ton pargon paasij estiđ puálu levânem eres rakânâssáid. Pyelimist iä šoddâm persovnvahâgeh.
Njávđám siijdâst láá toimâm kyehti käävpi, moh láá lamaš paldâluvâi. Kuohtuid kavppijd láá pijsám äššigâsah.
Puállám käävpi omâsteijee muštâl Ilta-Sanomaid, et pyelimist lii šoddâm miljovnij euroi vaahâg. Tuše káálvuh lijjii 800 000 euro oovdâst.
Poolis totká puálu cokkânemsuujâ.
Käldeeh:
– Njávdáma Nord1 Market gávppi buollin lei šohkka olles giliservošii, oaidná ránnjágávpejas: ”Rievdada olu giliguovllu” (yle.fi)
– Valtava tulipalo Inarissa – ”Tämä on järkyttävää, eikä tuollaista näkyä hetkessä unohda” (www.is.fi)
– Tuhoisa tulipalo Inarissa – poliisi asian päällä (www.is.fi)
Kove: Valtteri Valkeapolku, Mapcreator, OpenStreetMap