Anarâškielân lii almostum uđđâ nuorâiroomaan: Ann-Helén Laestadius roomaan Ij lah ko vyelgiđ. Taat kirje lii älkkeht luvâttettee kirje, mon lii jurgâlâm Neeta Jääskö. Kirje lii algâalgâlávt čallum ruotâkielân.
Anarâškielâ servi lii algâttâm 1 000 sijđod nuorâikirjálâšvuotâ -proojeekt jo ive 2020 já lii jurgâlittám nuorâikiirjijd sämikielân. Taat kirje kulá siämmáá projektân. Pyerrin peellin taan kirjeest lii tot, et kirječällee lii sämmilâš já kirje puáhtá uáinusân säämi uáinu sämmilâš ámáttân.
Kirje muštâl 19-ihásii nuorâ sämmilii almaa dilemmast: kalga-uv sun pääcciđ pááikán juátkiđ eejis puásuituáluáámmát tondiet ko sun lii perruu puárásumos kandâ, vâi kalga-uv sun čuávvuđ jieijâs kiäinu já valjiđ nube puátteevuođâ, kukken meddâl puásuituálust? Kirječällee suogârd äigikyevdilis teema já paijeed savâstâlmân rašes aašijd nuorâ ulmuu puásuituálu puátteevuođâst. Jieijâs uási valjiimist lii meiddei Minnast, säminieidâst.
Anarâškielâ servi tuáivu, et taat kirje puávtáččij luuhâmilo nuoráid, veik teema lii-uv váhá lussâd kieđâvuššâđ. Puátteevuođâ valjiimist ij kuittâg lah mihheen ”olmânáál” teikâ ”puástud”. Agâstâllâm olssis lii ohtâ uáinu já agâstâllâm nubbijd nubbe uáinu – aainâs-uv talle ko vuárdámušah kuohtuin tábáhtusâin láá uáli korrâseh.
Kirje puáhtá tiiláđ seervi mediapargest (fabrizio.brecciaroli@gmail.com). Tom puáhtá meiddei uástiđ Duodji Shopist Sajosist já Sämimuseo Siidast.
Kove: Fabrizio Brecciaroli